www.Gjaldheimtan.is

Gjaldheimtan ehf. veitir alhliða innheimtuþjónustu vanskilakrafna og byggir á traustum grunni. Félagið leggur mikla áherslu á að innheimtufé sé skilað jafnskjótt og mögulegt er í samráði við kröfuhafa og býður kröfuhöfum að laga innheimtuferlið eftir því sem þeim hentar. Meginreglan er að kröfuhafar þurfa ekki að greiða áfallinn innheimtukostnað, jafnvel þó að krafa innheimtist ekki.

Momentum og Gjaldheimtan sjá um allar innheimtur fyrir Reykjavíkurborg

Í framhaldi af útboði á innheimtuþjónustu hefur Reykjavíkurborg samið við Momentum og Gjaldheimtuna um að fyrirtækin sjái um allar innheimtur fyrir borgina næstu fimm árin.

Við fögnum þessu samstarfi við borgina og vonumst til þess að þjónusta okkar leiði til verulega aukinnar hagkvæmni og skilvirkni í innheimtum. Hér má finna gjaldskrá vegna milliinnheimtu og löginnheimtu fyrir Reykjavíkurborg, en gjaldskráin byggir á niðurstöðum fyrrnefnds útboðs.

Eigendur Momentum og Gjaldheimtunnar hafa keypt allt hlutafé Veitu

Tilkynning til þeirra sem eiga kröfur hjá Veitu

Markmið þjónustufyrirtækja er að tryggja viðskiptavinum sínum örugga, tímanlega og hagkvæma þjónustu. Í því efnahagsumhverfi sem nú ríkir, þarf sífellt stærri rekstrareiningar til að standa undir þeim þjónustukröfum sem viðskiptavinir hafa vanist undanfarin ár.

Í ljósi þessara aðstæðna hafa eigendur Momentum keypt allt hlutafé í Veitu, en fyrirtæki þitt er með gildandi samning um innheimtur við Veitu. Markmið okkar með kaupunum er að auka styrk fyrirtækjanna og tryggja getu þeirra til að veita trausta og vandaða þjónustu á erfiðum tímum.

Hluti af þessu samstarfi innheimtufélaganna felst í einföldun á rekstrarumhverfi og samræmingu hugbúnaðarkerfa til að ná fram rekstrarhagræðingu. Til að það sé mögulegt þurfa kröfuhafar að gefa heimild sína til að við höfum samband við þeirra viðskiptabanka og óskum eftir við bankann að kröfur viðkomandi kröfuhafa verði eftirleiðis sendar til innheimtu í innheimtukerfi Momentum og að Momentum verði móttökuaðili á kröfum þínum.

Lagabreyting

Gjaldheimtan vill vekja athygli á því að með lagabreytingu í mars sl. var einstaklingum, sem eru í vanskilum og eru með heimili sín í nauðungarsölumeðferð, gefinn kostur á sérstökum fresti á nauðungarsölumeðferð til amk. 1. nóvember nk. Greiðandi verður sjálfur að eiga frumkvæði að slíkri frestun og skal hann beina beiðni um slíkt beint til viðkomandi sýslumannsembættis.